A ecografía realizada esta tarde polos servizos médicos do Real Club Celta ao dianteiro Mario Bermejo desvela a existencia dunha microrrotura fibrilar no biceps femoral da coxa dereita do xogador. O ariete celeste permanecerá de baixa entre dez e quince días.

O Celta dobregou ao Alcorcón con dous tantos de Iago Aspas e un de Orellana e sumou a súa terceira consecutiva para durmir na segunda praza da clasificación. Salvo no tramo inicial, os celestes controlaron o partido con solvencia e pechárono cunha goleada que deixa patente o seu bo momento de xogo. Obxectivo cumpliido e boas sensacones.

O adestrador do Celta, Paco Herrera, convocou a todos os xogadores dispoñibles, 17, para o partido deste sábado ante o Alcorcón (Balaídos, 18.00 horas). Son baixa por lesión Jonathan Vila e David e por sanción De Lucas. Oier é dúbida a causa dunha lumbalxia.

Boas noticias para os dianteiros celestes Mario Bermejo e David, aos cales esta tarde os servizos médicos do club lles realizaron senllas ecografías. A lesión do ariete cántabro presenta unha cicatriz completa e o xogador dispón xa da alta médica, mentres que a proba realizada a David desvela unha boa evolución e unha mínima zona sen cicatrización.

A Liga de Fútbol Profesional confirmou hoxe o horario do partido da 40 xornada da Liga Adelante entre Real Club Celta e A.D. Alcoyano, que se disputará o sábado 19 de maio ás 18.00 horas no Estadio de Balaídos.

O adestrador do Celta B, Pichi Lucas, convocou á totalidade do equipo, 25 xogadores, para o definitivo partido deste domingo ante La Roda (Municipal de La Roda, 18.00 horas).

A Liga de Fútbol Profesional confirmou hoxe o horario do partido da 39 xornada da Liga Adelante entre C.D. Guadalajara e Real Club Celta, que se disputará o martes 15 de maio ás 21.00 horas no Estadio Pedro Escartín.

O Celta volveu da 'mini xira' con catro puntos e a só dous do segundo clasificado. O sábado recibe o Alcorcón en Balaídos coa necesidade de gañar para manter as súas opcións intactas neste apaixonante tramo final de tempada. Co obxectivo de que o equipo estea o máis arroupado posible, o club pon a disposición dos seus subscritores entradas por 6 euros para a bancada de Fondo, por 10 euros para Marcador e Gol e por 12 para Preferencia. A afección será, unha vez máis, vital.

O lateral celeste Jonny acrecienta o seu protagonismo nas categorías inferiores da Selección Española. O defensor vigués forma parte da convocatoria do combinado nacional sub-19 que participará en Italia no minitorneo clasificatorio para o XI Campionato de Europa da categoría.

Unha oportunidade para cada equipo, moita tensión e precipitación e o empate inicial que prevaleceu. O partido da media hora de Cartagonova rematou sen novidade, con repartición de puntos. Rematou nun suspiro e deixa ao Celta cun punto máis na táboa, terceiro aínda, pero máis preto.

O Celta B aférrase á permanencia, á esperanza, con todas as súas forzas, con fe e coraxe. Espremeu o seu grande arranque de partido con dous goles de Raúl Navas e Iota, soubo encaixar o golpe do tanto do Toledo no desconto da primeira metade, defendeu con firmeza e sentenciou a falta dun cuarto de hora cunha cabezada de Víctor Vázquez. O filial chega vivo, ilusionado e enteiro á última xornada.

O Celta combinou brillantez, seriedade, solidez e fe para levarse unha importante vitoria de Sabadell. Os celestes adiantáronse cun tanto de Álex López na primeira metade, de dominio absoluto do equipo vigués, pero encaixaron no arranque da segunda nun saque de esquina. Orellana selou a vitoria, máis que merecida, cun golazo a falta dun cuarto de hora para o final. Os céltico dispuxeron de oportunidades para golear.

O adestrador do Celta, Paco Herrera, convocou 18 xogadores para os partidos deste sábado ante o Sabadell (Nova Creu Alta, 18.00 horas) e do próximo martes ante o Cartagena (Cartagonova, 21.30 horas). Son baixa por lesión Jonathan Vila e David, mentres que Álex López e Orellana non poderán xogar en Cartagena por sanción e Iago Aspas porque xa fora substituído.

O capitán celeste Borja Oubiña completou esta mañá un novo adestramento co grupo e recibiu a alta médica, xa que superou por completo a lesión que arrastraba dende o partido ante o Hércules. O medio centro está polo tanto a disposición do técnico céltico Paco Herrera para os partidos ante Sabadell e Cartagena.

A Liga de Fútbol Profesional confirmou hoxe o horario do partido da xornada 38 da Liga Adelante entre Real Club Celta e A.D. Alcorcón, que se disputará o sábado 12 de maio ás 18.00 horas no Estadio de Balaídos.

O primeiro equipo do Real Club Celta viaxará mañá a medio día cara a Cataluña para enfrontarse o sábado á CE Sabadell, partido, que se disputará ás 18:00 horas no Estadio Municipal Nova Creu Alta. O domingo, os celestes exercitaranse en Sabadell e posteriormente dirixiranse a Murcia para concentrarse na Manga do Mar Menor. O Celta adestrarase o luns nas instalacións deportivas de La Manga Club para preparar o encontro do martes ante o Cartagena, suspendido na 33 xornada de Liga. Os 31 minutos restantes dese choque disputaranse ás 21:30 horas no Estadio de Cartagonova.

A ecografía de control realizada esta tarde polos servizos médicos do Real Club Celta ao dianteiro David Rodríguez revela que a rotura fibrilar que sufriu no recto anterior da súa coxa dereita ofrece unha boa evolución, pero a cicatriz se encontra aínda algo 'verde'. O ariete está polo tanto descartado para os partidos ante Sabadell e Cartagena.

A ecografía realizada hoxe polos servizos médicos do Real Club Celta ao atacante do flial Jota desvela a existencia dunha elongación muscular en recto anterior do abdome do futbolista. Haberá que esperar a comprobar a súa evolución nos próximos días, pero en principio espérase que estea en condicións de xogar este domingo

A goleada do Celta á Barcelona B en Balaídos deixou moitas luces e unha sombra, a lesión do ariete Mario Bemejo, quen realizou un grande encontro, anotou o primeiro tanto e asistiu no segundo. O dianteiro celeste sofre unha posible rotura fibrilar, en principio de baixo grao, no bíceps femoral da súa coxa dereita. O alcance exacto da lesión do atacante céltico coñecerase o próximo luns, día no que se someterá a unha ecografía.

Duro revés para o Celta B en Leganés, onde caeu goleado nun partido que era unha verdadeira final na loita pola permanencia. O cadro local, rival directo, canalizou o encontro nos minutos iniciais e asegurouse a vitoria no tramo final, co filial, que desaproveitou as súas ocasións, buscando a portaría rival á desesperada.

Nova e memorable remontada do Celta, que na primeira metade desperdiciou as súas ocasións e encaixou nun dos escasos remates do rival, pero na segunda reaccionou con rabia, e brillantez, para desarborar á Barcelona B. catro goles endosáronlle os celestes ao filial blaugrana co selo de Mario Bermejo, Orellana e Iago Aspas, quen anotou un dobre. Os céltico volveron saborear a vitoria, como non, en Balaídos e manteñen intactas as súas opcións.

O adestrador do Celta, Paco Herrera, convocou a 18 xogadores, entre eles o futbolista do filial Iota, para o partido deste sábado ante a Barcelona B (Balaídos, 20.00 horas). Son baixa por lesión Jonathan Vila, Borja Oubiña e David.

Las dos caras de la moneda en el entrenamiento de esta mañana en A Madroa. El lateral derecho Hugo Mallo recibió el alta médica y estará a disposición del técnico Paco Herrera para el partido de este sábado ante el Barcelona B. Por otra parte, el delantero David sufrió una rotura fibrilar en el recto anterior del muslo derecho y permanecerá de baja unas dos o tres semanas.

La estrecha relación que une al Real Club Celta con el Hotel Pazo Los Escudos se afianza. El máximo responsable del complejo hotelero, Francisco Rodríguez, y el director de la Fundación Celta de Vigo, José María Goicoa, firmaron esta mañana en A Madroa la renovación del convenio que le confiere al hotel la condición de Miembro de Honor de la Fundación. A acto asistió también el director del establecimiento, Daniele  Provezza.

A Liga de Fútbol Profesional confirmou hoxe o horario do partido da 37 xornada da Liga Adelante entre C.E. Sabadell e Real Club Celta, que se disputará o sábado cinco de maio ás 18.00 horas na Nova Creu Alta.

Cruel derrota do Celta B nun partido clave para a permanencia. O filial encaixou dous tantos na primeira metade nas únicas chegadas do ulradefensivo San Sebastián dos Reis e anotou pronto na segunda, pero o seu acoso, tremendo, asfixiante, non tivo premio. Ao B, a pesar dese inxusto castigo, quédalle esperanza.

A ecografía que os servizos médicos do Real Club Celta lle realizaron esta tarde a Borja Oubiña desvela que o xogador non sofre unha rotura fibrilar no recto anterior da coxa esquerda, aínda que se presenta un edema e unha elongación muscular. Oubiña permanecerá de baixa uns dez días, sempre en función da súa evolución.

O lateral do Celta B Jonny volve coa Selección Española sub-19. O defensor celeste foi convocado aos adestramentos oficiais que o combinado nacional realizará na Cidade do Fútbol de Las Rozas entre os días 23 e 25 de abril. Deste xeito, o céltico continúa afianzando a súa traxectoria na categorías inferiores da Selección Española.

O Celta non puido rexurdir en Alicante por un gol no tramo final do partido, cando mellor estaba xogando, e chegando, o equipo vigués, que na xogada do tanto esperaba que os locais botasen o balón fóra. Na primeira metade, o Hércules fuer superior, situación que se reverteu na segunda, aínda que foi cando se decantou o choque para os alacantinos.

El entrenador del Celta, Paco Herrera, ha convocado a 20 jugadores, entre ellos los futbolistas del filial Jota y Jonny, para el partido de este sábado ante el Hércules (Rico Pérez, 18.00 horas). Son baja por lesión Jonathan Vila. y Hugo Mallo.

O Celta B afronta este domingo (Barreiro, 18.00 horas) un partido crucial para lograr o seu obxectivo. Mídese un rival directo na loita pola permanencia, o San Sebastián dos Reis, que avantaxa os celestes en dous puntos. O novo equipo de Pichi Lucas necesita o apoio da afección para solucionar este choque e o club anima subscritores e afeccionados a que acudan a Barreiro para arroupar os céltico.

Os celestes Hugo Mallo e Rubén Blanco continúan optando aos premios Fútbol Draft tras a última selección e ambos os dous encóntranse entre os 55 finalistas. O terceiro comité técnico comunicou a lista dos futbolistas que aspiran a estes premios que distinguen aos mellores canteranos do fútbol español con idades entre os 16 e 20 anos e entre os que se encontran o lateral dereito e o gardameta do Real Club Celta.

A Liga de Fútbol Profesional confirmou hoxe o horario do partido da Liga Adelante entre Real Club Celta e Barcelona B, que se disputará o sábado 28 de abril ás 20.00 horas no Estadio de Balaídos.

Os 31 minutos restantes do partido entre Cartagena e Real Club Celta disputaranse o día 8 de maio a porta pechada en Cartagonova a partir das 21.30 horas. O Comité de Competición da Federación Española de Fútbol prestou hoxe a súa conformidade á reanudación dese partido, suspendido o pasado 7 de abril, na data e hora mencionadas.

O Real Club Celta afrontará ata final de tempada cinco cruciais partidos en Balaídos, nos que necesitará o apoio da afección para atar os 15 puntos en xogo. Co obxectivo de que o equipo estea arroupado neste transcendental tramo final, o club lanza dúas iniciativas para os seus subscritores: Entradas a baixo prezo para o partido ante a Barcelona B e un paquete, tamén cun prezo especial, para estes cinco encontros.

O Celta encontrouse aos dous minutos por debaixo no marcador e na segunda metade cun cero a dous inxusto pero nunca baixou os brazos e buscou con empeño, empurrado pola súa afección, a remontada. De Lucas recortou e o equipo vigués, moi superior, acosou o Deportivo ata o final Catalá anotou o empate, pero non houbo xustiza no derby galego: No desconto, anotou o rival ttras varios rexeitamentos.

O Celta B sumou un bo empate ante un complicado rival, o filial do Raio Vallecano, e mantén intactas as súas opcións na loita pola permanencia. O partido, intenso e disputado, deixou unha gran curiosidade: O primeiro gol celeste marcouno o porteiro Queco Piña cun potente lanzamento de porta que sorprendeu ao meta rival. Marcos Torres anotou o segundo tanto.

O Real Club Celta e a firma galega de alimentación Coren, coa que o club alcanzou un acordo de colaboración para o desenvolvemento de diversas iniciativas ao longo do ano, lanzan unha nova medida para mellorar o ambiente de Balaídos no derby do domingo. Os afeccionados dispoñerán nos seus asentos de cartolinas para despregar un espectacular mosaico antes do comezo do partido.

O Real Club Celta estreará no partido deste domingo ante o Deportivo un autobús personalizado coas cores e emblemas da entidade, unha iniciativa posible grazas á colaboración de Monbús e CdeC Servicios gráficos. O primeiro equipo celeste chegará ao estadio a bordo deste autobús, que utilizara nos seus desprazamentos ata final de tempada.

Co obxectivo de tinguir Balaídos de celeste e crear un ambiente especial no derby deste domingo, o Real Club Celta puxo esta tarde á venda na tenda oficial varios centenares de camisetas da primeira equipación a un prezo especial. Trátase de camisolas reutilizadas que os subscritores poderán adquirir por 33 euros e os afeccionados en xeral por 40.

O cheo absoluto do Estadio de Balaídos para o partido deste domingo é xa un feito. A primeira hora da tarde esgotáronse por completo as entradas para o encontro ante o Deportivo a expensas dos carnés baby que vaian liberado asentos, que en todo caso serían xa moi escasos. O estadio celeste rexistrará pois un cheo histórico

A Liga de Fútbol Profesional confirmou hoxe o horario da xornada 35 da Liga Adelante, na que o Real Club Celta se medirá ao Hércules. O partido disputarase o sábado día 21 do presente mes de abril ás 18.00 horas no Estadio Rico Pérez.

O adestrador do Celta B, Pichi Lucas, convocou 20 xogadores para o partido deste domingo ante o Tenerife (Barreiro, 12.00 horas). Son baixa por lesión David Castro, Rubén Blanco, Juanma Torres, Camochu e Rubén Martínez.

O Celta B protagonizou en Barreiro unha remontada heroica, incrible, ante o Tenerife, equipo da zona alta. Os celestes quedaron con dez aos catro minutos e encaixaron pouco despois un tanto en propia porta, pero cun esforzo encomiable, un traballo descomunal, remontaron o partido. Jota anotou os tres goles, o último espectacular.

A Resonancia Magnética realizada no Hospital de Fátima polos servizos médicos do club ao central celeste Jonathan Vila desvela que o canterano sofre, como avanzou o doutor García Cota tras o partido ante o Villareal B, unha subluxación da rótula con lesión parcial do alerón rotular medial e contusión ósea no xeonllo dereito. O tempo de baixa estará en torno ás catro ou cinco semanas.

Dada a gran demanda e o interese que xerou o partido do día 15 de abril fronte ao Deportivo e ante a escaseza de entradas dispoñibles, o club se está a poñer en contacto cos pais posuidores dos carnés de subscritores da categoría "baby" para pedilos que en caso de que os seus fillos non poidan acudir ao encontro o notifiquen na oficina de subscritores. Deste xeito o club poderá facilitar o acceso de máis afeccionados celestes a este encontro.

O Estadio de Balaídos roza xa o cheo absoluto para o partido do día 15 ante o Deportivo Da coruña. Esgotáronse todas as bancadas menos a de Tribuna, onde apenas quedan 300 entradas á venda. Nas próximas horas colgarase o cartel de 'non hai billetes' para o apaixonante derby de dentro de dúas semanas.

A entrega dos reloxos oficiais do Real Club Celta na tenda Bricostar, na rúa Xirona, ábrese xa á totalidade dos subscritores, os que teñen carné con número superior ao 14.000 e aqueles que non puideron recollelo na súa correspondente quenda.

Meritorio e valioso empate do Celta B ante un líder ao que arrepor con gran solidez defensiva e claridade e decisión á contra. O Real Madrid Castela dominou a posesión, pero non puido ata o final superar un gran Queco Piña. Borja Valle anotou a falta de doce minutos, nada máis saír ao campo, e os locais empataron cando só quedaban catro para o final.

O Celta, cun primeiro cuarto de hora espectacular e un partido espléndido, moi completo, recuperou en Balaídos, de novo cun grande ambiente, o sabor da vitoria. Derrotou o Villareal B, con dez dende a primeira metade, para sumar o seu oitavo triunfo consecutivo na casa e asentarse na segunda praza. Orellana e Iago Aspas foron os anotadores.

O adestrador do Celta B, Pichi Lucas, convocou 16 xogadores para o partido deste domingo ante o Real Madrid Castela (Alfredo Di Stéfano, 12.00 horas). Son baixa por lesión Juanma Torres, Lede, Rubén Martínez e David Castro, mentres que Camochu e Eric Wardem se encontran na última fase de recuperación e Rubén Blanco está concentrado coa Selección Española sub-17. Non viaxan por decisión técnica Héctor Ladero e Capó.

O adestrador do Celta, Paco Herrera, convocou 19 xogadores para o partido deste domingo ante o Villarreal B (Balaídos, 20.00 horas). É baixa por sanción Oier.

O medio centro do Real Club Celta Borja Oubiña superou por completo a lesión que padecía unha rotura fibrilar de grao I no recto anterior da súa coxa dereita, e hoxe recibiu a alta médica, polo que estará a disposición do adestrador celeste, Paco Herrera, para o partido do domingo ante o Villarreal B. A única baixa para este encontro será a do central Oier, sancionado por acumulación de amoestacións.

Os afeccionados celestes que adquiriron entradas para os partidos ante Villarreal B e Deportivo a través dos despachos online, ás que se accede dende a páxina web oficial do club, teñen xa á súa disposición o caixeiro automático para a retirada destas entradas. Este dispositivo instalouse nun dos despachos do Estadio de Balaídos, nas proximidades da oficina de subscritores.

Unha semana máis, continúa a entrega dos reloxos oficiais do Real Club Celta na tenda Bricostar, na rúa Xirona, e a partir do próximo luns, e ata o sábado, estarán a disposición dos subscritores celestes con número de carné entre 11.000 e 14.000.

O  Celta B non puido co Montañeiros nun partido de máxima tensión que o filial mereceu levarse por xogo e ocasións, en especial na segunda metade, de dominio claro do cadro local. Pillado adiantou o filial e Romay empatou pouco despois sen querer. Foi un pase que acabou chorando na rede. Infortunio para os celestes, superiores ao seu rival, pero con escaso premio.

A venda de entradas para o derby do 15 de abril ante o Deportivo prosegue a bo ritmo, tanto na oficina de subscritores coma nos despachos online, e a primeira hora desta tarde restaban para completar o aforamento do estadio unhas 2.500 entradas, incluídas as correspondentes aos laterais de Tribuna, xa que ante a gran demanda existente, o club retirará as lonas desta bancada. Este sábado, habilitaranse os despachos de Balaídos para a venda de entradas.

Tras o seu empate en Getafe, o Celta B regresa este domingo a Barreiro (17.00 horas) nun partido de vital importancia na súa loita pola permanencia, xa que recibe ao Montañeiros, rival directo. O club fai un chamamento a subscritores e afeccionados para que arroupen o equipo neste transcendental encontro.

O adestrador do Celta, Paco Herrera, convocou a 18 xogadores para o partido de este sábado ante o Huesca (O Alcoraz, 18.00 horas). Son baixa Roberto Lago por sanción e Borja Oubiña por lesión.

A ecografía realizada esta mañá polos servizos médicos do club a Yoel desvela unha boa evolución da rotura do tendón directo do recto anterior da coxa dereita que sufriu hai unhas semanas, cunha cicatrización practicamente completa. Segundo os médicos celestes, o xogador recibirá a alta esta semana e, sempre limitando os golpeos de balón con plena potencia, estará dispoñible para viaxar a Huesca.

O centrocampista do Celta Alex López recibirá hoxe na vixésima edición da gala do deporte ferrolano unha mención especial como recoñecemento ao seu esforzo e rendemento durante a tempada 2010-2011. O acto terá lugar no Teatro Jofre de Ferrol a partir das 20.30 horas.

O Celta B sumou un punto no complicado campo do Getafe B tras un partido intenso e igualado, con alternativas e ocasións para ambos os dous equipos. O conxunto local adiantouse no arranque da segunda metade e Raúl Navas, cunha atinada cabezada, anotou o tanto do empate definitivo aos vinte e un minutos de xogo.

A Liga de Fútbol Profesional confirmou hoxe o horario das xornadas 32, 33 e 34 da Liga Adelante, nas que o Real Club Celta se medirá a Villarreal B, Cartagena e Deportivo Da coruña. Os celestes recibirán o domingo 1 de abril ao filial amarelo en Balaídos ás 20.00 horas e mediranse ao Cartagena o sábado seguinte, día 7 de abril, ás 18.00 horas en Cartagonova. O derby disputarase o domingo 15 de abril ás 12.00 horas no Estadio de Balaídos.

O adestrador do Celta B, Pichi Lucas, convocou 17 xogadores para o partido deste mércores ante o Getafe B (Cidade Deportiva, 17.00 horas). Son baixa por lesión Juanma Torres, Camochu, Lede, David Castro e Rubén Martínez mentres que Rubén Blanco está concentrado coa Selección Española sub-17. Non viaxan por decisión técnica Diego Simón e Sumy.

A resonancia realizada hoxe polos servizos médicos do club ao medio centro celeste Borja Oubiña desvela unha boa evolución da rotura fibrilar que o xogador sofre no recto anterior da coxa dereita. A proba mostra que a cicatriz está practicamente completa, cun mínimo edema de 1,3 milímetros. O centrocampista celeste comezará mañá a adestrar de xeito progresivo e a súa participación no partido do sábado ante a Huesca dependerá da súa evolución nos próximos días.

Revés para o Celta B en Balaídos, onde caeu por dous goles a catro ante un Coruxo práctico e serio. O filial arrancou mal ambas as dúas partes do choque e viuse obrigado a tratar de remontar sen éxito ante a poboada zaga visitante, equipo letal ademais á contra. Víctor Díaz e Eric Wardem anotaron para os celestes.

Os reloxos oficiais do Real Club Celta continúan unha semana máis entregándose de xeito graduado na tenda Bricostar e a partir do próximo luns, e ata o sábado, estarán a disposición dos subscritores celestes con número de carné entre 8.000 e 11.00

O Real Club Celta e a Fundación Celta de Vigo continúan mañá, martes, as visitas a diferentes colexios de Vigo para divulgar o celtismo entre os máis novos e á vez promover o próximo partido en Balaídos contra o Villareal B. Os xogadores celestes repartirán convites aos nenos para este encontro ante o filial amarelo.

Non tivo sorte o Celta en Las Palmas, onde morreu o seu extraordinario refacho por un cúmulo de desgracias, dende o primeiro tanto local en fóra de xogo ata o segundo nacido nunha falta inexistente. En medio, moita polémica máis, moita. Frouxa primeira parte dos celestes, que xa non puideron remontar o dous a cero porque, entre outras cousas, se toparon dúas veces co pau. David deixou o resultado nun enganoso 3-1 para os locais.

O adestrador do Celta, Paco Herrera, convocou a 18 xogadores, entre eles o porteiro do filial Rubén, para o partido deste sábado ante a U.D. Las Palmas (Gran Canaria, 18.00 horas). Son baixa por lesión Yoel e Borja Oubiña. Non viaxa por decisión técnica Jonathan Vila.

O Celta B recibe este domingo o Coruxo (Balaídos, 12.00 horas) coa necesidade de gañar para mellorar a súa complicada situación na táboa. Para os novos xogadores do filial será vital o alento da bancada, polo que o club anima aos afeccionados celestes a que arroupen ao cadro celeste neste derby vigués.

O elevado ritmo de venda de entradas para o partido ante o Deportivo, tanto na oficina de subscritores como nos despachos online, motivou a 'colocación' dun novo cartel de "non hai billetes". A bancada de Marcador esgotouse, como hai semanas aconteceu coa de fondo Preferencia-Lateral, mentres que en Río, tanto Alto como Baixo, apenas quedan uns centos de asentos libres.

Os despachos online do Real Club Celta superaron todas as expectativas. Dende a súa posta en funcionamento, miles de persoas accederon a elas a través da web oficial do club e xa se venderon un bo número de entradas por este sistema. O club mellorou esta tarde o servizo cun novo servidor.

O Celta B recibe este domingo (Balaídos, 12.00 horas) o Coruxo nun apaixonante derby vigués de grande importancia para o filial, que loita por saír da zona baixa da táboa e asegurar a permanencia. O club fai un chamamento á afección celeste para que arroupe os novos xogadores do Celta B neste crucial encontro no que os céltico poderían abandonar o posto de promoción.

O Real Club Celta iniciou unha serie de visitas a numerosos colexios da cidade cun dobre obxectivo, divulgar o celtismo e promover entre os máis novos o partido do sábado 31 de marzo ante o Villarreal B co regalo de convites para os nenos. Xogadores e directores do club visitarán nos próximos días máis preto de medio centenar de centros educativos da cidade.

Os afeccionados do Real Club Celta poden xa adquirir entradas para os partidos en Balaídos sen desprazarse ao estadio e dun xeito rápido sinxelo e fiable. O club pon en marcha uns modernos despachos on line que permiten comprar entradas e seleccionar bancada e asentos por Internet a través da páxina web oficial, www.celtavigo.net.

Nova convocatoria internacional para o porteiro celeste Rubén Blanco, quen participará coa Selección Española sub-17 no Minitorneo de Elite correspondente ao XI Campionato de Europa que se disputará en Tbilisi entre os días 24 e 31 de marzo. O gardameta celeste incorporarase á concentración do combinado nacional o 20 o presente me

Un estraño penalti liquidou o Celta B en Albacete, onde os celestes tiveron contra as cordas ao equipo local e dispuxeron de ocasións para polo menos empatar o partido. O filial ofreceu unha boa imaxe, foi superior ao seu rival, pero careceu de fortuna ante un conxunto da zona alta que se levou os tres puntos de xeito inxusto.

Xornada espectacular para o Celta, Récord de asistencia dunha afección magnífica, absolutamente enganchada ao equipo, sétima vitoria consecutiva, décimo terceira xornada sen perder e líder provisional. Os céltico, moi superiores, derrotaron con claridade o Numancia nun encontro encarrilado na primeira metade con dous goles de Iago Aspas e un de Mario Bermejo. Na segunda, gran xogo e tantos de Orellana e Toni para selar unha magnífica goleada.

O porteiro celeste Yoel evoluciona de xeito favorable da rotura do tendón directo do recto anterior da súa coxa dereita que sufriu no partido ante a Murcia, segundo desvela a ecografía que lle realizaron esta tarde os servizos médicos do club. O prazo de recuperación do gardameta celeste mantense en torno ás dúas semanas.

O adestrador do Celta, Paco Herrera, convocou a 19 xogadores, entre eles o porteiro do filial Rubén, para o partido deste venres ante o Numancia (Balaídos, 21.00 horas). Son baixa por lesión Yoel e Borja Oubiña.

Futbol Draft reunió o seu Comite Ténico nas instalacións de Lezama para a colección dos 77 futbolistas de 16 a 20 anos que manteñen as suas opcións de acceder aos premios finais. Entre os seleccionados nesta reunión, na que estiveron, os xogadores internacionais Javi Martínez e Fernando Amorebieta, figuran tres novos valores do Real Club Celta : Hugo Mallo, Jonny e Rubén Blanco.

Os subscritores celestes están a responder con entusiasmo á iniciativa do club para multiplicar o apoio ao equipo este venres fronte ao Numancia e durante toda a xornada a oficina de subscritores rexistrou unha intensa actividade. A falta de dous días para que conclúa a venda de ata tres entradas a 10 euros para os socios, despacháronse xa uns 2.000 billetes.

O Celta culminou en Pucela a súa terceira remontada, sumou a súa sexta vitoria consecutiva e a súa duodécima xornada sen perder. Este venres recibe o Numancia (Balaídos, 21.00 horas) nun partido no que o apoio da afección, como aconteceu nos últimos choques, será vital para os celestes. Os subscritores teñen ata o xoves para adquirir ata tres entradas a 10 euros -cinco en Fondo- cada unha.

O Celta sumou unha importante vitoria, dando un gran golpe na mesa, ante o Valladolid cun gol de Joan Tomás no último minuto de xogo. Os celestes remontaron o tanto inicial do Valladolid para levarse este triunfo de gran valor, arroupados por unha afección espectacular. Iago Aspas foi o autor do tanto do empate.

Primeira metade igualada, con moita tensión e escasas ocasións, e unha segunda na que o Celta B foi crecendo, empurrando e acosando un Conquense superado polos celestes. O empeño do filial tivo o seu premio cun golazo de Borja Valle que se traduciu nunha vitoria de enorme importancia. O B suma o seu segundo triunfo consecutivo e asoma a cabeza.

Os reloxos oficiais do Real Club Celta continúan entregándose de xeito graduado na tenda Bricostar e a partir do próximo luns e ata o sábado estarán a disposición dos subscritores celestes con número de carné entre 2.000 e 5.000.

O adestrador do Celta, Paco Herrera, convocou a 19 xogadores, entre eles o porteiro do filial Rubén, para o partido deste sábado ante o Valladolid (José Zorrilla, 18.00 horas). Son baixa por lesión Yoel e Borja Oubiña.

Celta TV, a canle de televisión en Internet dedicada en exclusiva ao Real Club Celta está xa operativa e emitindo. Esta mañá, o director comercial do club Camilo Lobato, e o director de Celta TV, Carlos Bermúdez, presentaron esta iniciativa encamiñada a divulgar o celtismo e a achegar máis o club á afección celeste.

Malas noticias para o Real Club Celta. A ecografía realizada esta polos servizos médicos do club tarde ao medio centro celeste Borja Oubiña desvelou a existencia dunha pequena rotura de fibras, de grao un, no recto anterior da coxa dereita do futbolista. Esta lesión manterao inactivo unhas tres semanas.

Venta de entradas online

A Liga de Fútbol Profesional confirmou hoxe os horarios das xornadas 29 e 31 da Liga Adelante nas que o Celta se enfrontará a Las Palmas e Huesca. O partido ante o cadro canario disputarase o sábado 17 de marzo ás 18 horas (horario peninsular) no Estadio de Gran Canaria. O encontro ante a Huesca terá lugar o sábado 24 de marzo ás 18.00 horas Nel alcoraz.

Celta TV é xa unha realidade. O ilusionante proxecto dunha televisión con contidos dedicados en exclusiva ao club celeste a través de Internet verá este xoves a luz tras a firma do acordo que protagonizaron esta mañá o presidente do Real Club Celta, Carlos Mouriño, e o director de Celta TV, Carlos Bermúdez. Mañá xoves, a televisión celeste será presentada aos medios de comunicación e estará xa operativa.

A iniciativa para os subscritores lanzada polo club para o partido ante a Almería terá continuidade para o encontro ante o Numancia, xa que Balaídos superou amplamente os 15.000 espectadores, cuxo apoio resultou fundamental na grande remontada do equipo. Dende este martes, os subscritores poderán adquirir ata tres entradas a 10 euros cada unha -as de Fondo a 5- para o choque ante os sorianos.

Os reloxos oficiais do Real Club Celta comezaron a entregarse hoxe na tenda Bricostar para os subscritores con número de carné entre 1 e 2.000. Foron xa moitos os socios que acudiron ao establecemento para recoller os reloxos, que estarán a disposición dos posuidores dos carnés da franxa numérica indicada ata o próximo sábado. Nas próximas semanas continuará a entrega de xeito graduado, sempre coa garantía de que ningún subscritor quedará sen o seu reloxo.

O Celta B rexurdiu en Mareo cunha importante e merecida vitoria ante o Sporting de Gijón B, a primeira con Pichi Lucas no banco, que achega ao filial celeste aos postos de permanencia. Os vigueses mostráronse sólidos e ambiciosos e superaron con claridade ao cadro local. Eric Wardem e Iota anotaron os tantos deste valioso triunfo.

Gran partido e ambientazo en Balaídos cunha segunda metade maxistral dun Celta que realizou un exercicio de fe para remontar en dúas ocasións ante un duro rival. Victoria merecida, valiosa e que enche de confianza a un equipo que segue facendo un xogo fantástico e encadeando partidos sen perder e triunfos en Balaídos. Mario Bermejo, en dúas ocasións, De Lucas e Joan Tomás foron os goleadores. A afección respondeu de xeito exemplar e levou en volandas o equipo cara ao triunfo.

Os reloxos oficiais do Real Club Celta estarán a disposición dos subscritores celestes a partir do próximo luns, día 27, na tenda de Bricostar situada na rúa Xirona. Para evitar aglomeracións e incomodidades, os reloxos entregaranse de forma graduada, polo que a próxima semana, dende o luns ata o sábado, poderán recollelos exclusivamente os subscritores con número de carné entre 1 e 2.000.

Sergio Álvarez, porteiro do Real Club Celta, gozou na súa terra dun acto moi especial no que non faltou emotividade, compañeirismo e ilusión. Asistiu, acompañado por Yoel, Jonathan Vila, Borja Oubiña, Álex López e Toni, entre outros, á inauguración da 'O Gato', creado en Catoira na súa honra.

Co Celta inmerso nun tramo de enorme importancia da tempada e ante un rival de grande esixencia, o club lanza unha iniciativa co dobre obxectivo de multiplicar o necesario apoio da bancada e premiar a fidelidade e o respaldo dos seus subscritores. Para o partido deste domingo ante a Almería (Balaídos, 12.00 horas) cada subscritor poderá adquirir ata un máximo de tres entradas para a súa mesma bancada por só 10 euros cada unha, salvo en Fondo, que estarán á venda por 5 euros.

  O Celta B non puido pasar do empate en Barreiro ante unha Veciñanza que se empregou a fondo en defensa para frear aos vigueses, pouco afortunados nos metros finais. O filial apertou no último tramo do choque, pero non logrou desprenderse da ansiedade que xera a súa posición na táboa e tivo que conformarse cun empate que sabe a pouco.

O Celta deu un gran golpe de autoridade no Martínez Valero cunha vitoria que lle devolve a segunda posición. Os celestes foron mellores que o Elche na primeira metade, na que tiveron dúas ocasións moi claras, e na segunda aproveitaron as expulsións, ata tres, dos agresivos xogadores locais para levarse un merecido triunfo e o golaverage. De Lucas e Álex López foron os goleadores.

Partido especial para o central Andrés Túñez. O céltico forma parte da convocatoria da Selección de Venezuela para un partido de preparación ante España que se disputará en La Rosaleda, en Málaga, o día 29 do presente mes de febreiro.

O infortunio segue asolando o Celta B, que perderá Juanma Torres e Camochu para os próximos meses. O primeiro sofre a rotura do ligamento cruzado anterior e do menisco interno do seu xeonllo dereito, lesión que se produciu o pasado domingo en Alcalá, e o dianteiro asturiano será operado mañá no Hospital de Fátima dunha osteopatía de pube.

Nova convocatoria internacional para o novo porteiro celeste Rubén Blanco, xa un fixo nas categorías inferiores da Selección Española. O gardameta moscense forma parte da lista do combinado nacional sub-17 para a disputa de dous partidos internacionais ante Bulgaria os días 21 e 23 deste mes.

A venda de entradas para o partido de mediados de abril ante o Deportivo Da coruña en Balaidos prosegue a bo ritmo e xa son máis de tres mil cincocentos os billetes despachados na oficina de subscritores celeste dende a posta en marcha desta iniciativa. Bancadas como Fondo-Preferencia Lateral esgotáronse e outras como Marcador están próximas ao cheo.

As luvas utilizadas polo porteiro do Real Club Celta Yoel para manter imbatida a súa portaría durante seis partidos rematarán nas mans dun afeccionado celeste. A tenda oficial do club sortearaos entre aqueles seguidores que realicen compras superiores a 30 euros ata o sábado da próxima semana.

O Celta B caeu no Virxe do Val ante o Alcalá por un solitario gol anotado por Miguel Ramos aos dous minutos da segunda metade e que desnivelou un partido moi disputado, con oportunidades para ambos os dous equipos. O filial celeste empurrou con forza na segunda metade, pero non puido sumar no debut de Pichi Lucas no banco.

O lateral celeste Jonny incorpórase hoxe aos adestramentos oficiais da Selección Española sub-19 en substitución do lesionado Manquillo. O céltico, quen recentemente se proclamou campión da Copa do Atlántico coa sub-18, comeza deste xeito a contar para unha categoría superior a pesar de que aínda non cumpriu os 18 anos.

A Liga de Fútbol orofesional confirmou hoxe o horario das xornadas 26, 27 e 28 da Liga Adelante, nas que o Real Club Celta se medirá a Almería, Valladolid e Numancia. Os celestres recibirán en Balaídos ao conxunto andaluz o domingo 26 de febreiro ás 12.00 horas e xogarán no José Zorrilla ante o Valladolid o sábado 3 de marzo ás 18.00 horas. Por último, o Celta medirase ao Numancia en Balaídos o venres 9 de marzo ás 21.00 horas.

O Celta remontou na segunda metade con fe e pulo o tanto inicial do Recreativo, anotado por Pablo Sánchez no tramo final da primeira parte, para manter un refacho impresionante que o mantén na zona alta da táboa. Os céltico empataron cun gol en propia porta e despois Orellana e Iago Aspas, en dúas ocasións, selaron unha goleada ilusionante que a exemplar afección celeste festexou con entusiasmo.

O adestrador do Celta, Paco Herrera, convocou a 19 xogadores, entre eles o porteiro do filial Rubén, para o partido deste venres ante o Recreativo de Huelva (Balaídos, 21.00 horas). Son baixa Hugo Mallo por sanción e Yoel por lesión.

Os subscritores anuais que desexen gozar das numerosas vantaxes que ofrece o carné e que o seu nome figure na camiseta celeste da próxima tempada dispoñen ata o venres para tramitar a súa renovación, xa que ás 21.00 horas, coincidindo co partido ante o Recreativo en Balaídos, conclúe a campaña de subscritores. Entre os alicientes, o derby galego do mes de abril e a posibilidade de gozar de media tempada en Primeira División.

Tras a súa vitoria ante a Murcia, o Celta volve este venres a Balaídos (21.00 horas) co Recreativo como rival nun partido de grande importancia para seguir nos postos altos dunha táboa moi apertada na zona nobre. Os vigueses necesitarán o alento da bancada nun choque no que buscan o seu terceiro triunfo consecutivo. Os prezos non varían e oscilan entre os 15 e os 45 euros.

O Real Club Celta súmase ao apoio a Paula, unha nena de Boiro con axenesia sacra que necesita unha operación para corrixir esta enfermidade. O club, o equipo e corpo técnico avalaron esta mañá a promoción do partido a beneficio de Paula que disputan o Tomiño F.C. Feminino e a Selección Oliveira de Vigo o próximo sábado a partir das 16:30 da tarde no campo do Alivio.

A ecografía que lle realizaron esta tarde os integrantes dos servizos médicos celestes ao porteiro Yoel confirmou o diagnóstico inicial e desvelou a existencia dunha rotura de fibras no tendón directo do recto anterior da súa coxa dereita. Esta lesión manterá inactivo o gardameta vigués unhas seis semanas.

O Celta B sufriu unha dolorosa derrota en Barreiro ante un Marino que aproveitou a súa primeira chegada para anotar e resistiu despois o acoso dos vigueses, lastrados pola presión da súa situación na táboa. A falta dun cuarto de hora para o final, Jota lanzou un penalti ao longueiro e frustrouse o intento de remontada do filial, que ademais encaixou despois o segundo. Manteca recortou nos últimos minutos.

Os subscritores anuais que aínda non renovaron o seu carné dispoñen ata o venres 10 de febreiro, día do Celta-Recreativo, para realizar este trámite, gozar das vantaxes que ofrece o carné celeste e formar parte da camiseta da próxima tempada. Co tempo lista de beneficios que inclúe o aboamento hai que sumar un máis, un desconto dun 5 por cento en todas as tendas de Merkamueble do territorio español.

O Celta dobregou a Murcia no seu regreso a Balaídos cun gol de Orellana na segunda metade. Os vigueses, que estrelaron dous balóns no pau, sumaron outro choque sen encaixar, xa van sete, e con esta traballada vitoria mantéñense na zona alta da táboa. Yoel tivo que ser substituído por lesión na primeira metade.

O adestrador do Celta, Paco Herrera, convocou 20 xogadores para o partido deste sábado ante a Murcia (Balaídos, 18.00 horas).

Debido á gran demanda existente, as entradas para o partido do fin de semana do 14 e 15 de abril entre Real Club Celta e Deportivo Da coruña poñeranse á venda mañá, xoves, nas oficinas de subscritores do Real Club Celta. Os prezos oscilan entre 30 e 60 euros e só haberá dúas categorías, adulto e sub-23.

O Real Club Celta lanzará unha novidosa iniciativa para homenaxear os seus abonados, para mostrarlles o seu agradecemento pola súa fidelidade e apoio. Na camiseta da primeira equipación da próxima tempada recolleranse os nomes da todos os socios celestes. O club anima os abonados anuais que aínda non renovasen a que o fagan antes do sábado para que poidan ser partícipes deste recoñecemento.

Co equipo terceiro na táboa e mostrando unha gran solidez e fiabilidade, a campaña de abonados anuais do Real Club Celta entra na súa recta final. O club anima a abonados e afeccionados a que renoven e se dean de alta canto antes para gozar dunha apaixonante segunda volta cun interesante derby e coa posibilidade de presenciar media tempada en Primeira División. Este sábado. Ante a Murcia, os prezos non varían e oscilan entre 15 e 45 euros.

O Celta B non foi capaz de romper o vitorioso refacho do Oviedo no Carlos Tartiere e os asturianos lograron o seu noveno triunfo consecutivo na casa ante un filial sen fortuna. Os celestes encaixaron primeiro de rebote e o encontro escapoulles de xeito definitivo en apenas dous minutos no arranque da segunda metade. Debutaron Sumy e Borja Valle.

O Celta suma e segue: Victoria ante o Girona en Montilivi, sete partidos sen perder e seis sen encaixar gol. Túñez anotou o tanto do triunfo, moi merecido, dun Celta que superou con absoluta claridade ao seu rival e puido levarse unha vitoria folgada se tivese aproveitado as súas numerosas ocasións nunha gran segunda metade.

O adestrador do Celta, Paco Herrera, convocou 18 xogadores para o partido deste sábado ante o Girona (Montilivi, 18.00 horas). Son baixa por sanción Cristian Bustos e Carlos Bellvís e non entra na lista por decisión técnica Sergio Ortega.

O parte médico do Real Club Celta quedouse, de novo, en branco. O central Andrés Túñez exercitouse esta mañá con total normalidade e recibiu a alta médica, polo que o equipo celeste sofre unicamente dúas baixas para o partido do sábado ante o Girona, as de Bustos e Bellvís, ambos os dous por acumulación de amoestacións.

A Fundación Celta de Vigo amplía o mapa dunha das súas actividades máis emblemáticas, os campus de fútbol, ao Concello de Mos, onde desenvolverá esta iniciativa a partir do próximo verán, segundo establece o convenio de colaboración asinado esta mañá pola alcaldesa desta localidade, Nidia Arévalo, e o director da Fundación celeste, José María Goicoa. "Haberá un antes e un despois para a actividade deportiva en Mos", afirmou a alcaldesa.

Novo paso adiante para o mozo lateral celeste Jonathan Castro, Jonny, na súa andaina polas categorías inferiores da Selección Española. O defensor foi convocado co combinado nacional sub-18 para o Torneo Copa do Atlántico, que se disputará en Las Palmas entre os días 30 de xaneiro e 4 de febreiro.

O Celta espremeu a súa solidez defensiva, volveu rematar coa portaría a cero e levouse un meritorio punto Nel arcángel ante un bo Córdoba que dominou o partido, en especial na primeira metade, cunha presión asfixiante. Os celestes puideron levarse o encontro no tramo final con varias ocasións á contra que non puideron aproveitar.

O adestrador do Celta, Paco Herrera, convocou a 18 xogadores para o partido deste domingo ante o Córdoba (El Arcángel, 12.00 horas). Non entran na lista Túñez por lesión, Roberto Lago por mor dun proceso gripal e Sergio Ortega por decisión técnica.

O Celta B superou con bo fútbol na primeira metade, sufrimento e entrega na segunda, o Atlético de Madrid B e reencontrouse coa vitoria en Barreiro. Juanma Torres e Jota anotaron para os vigueses, despois recortou Pedro Martín, nun encontro no que debutaron o porteiro Rubén e o central Héctor Ladero. Valioso triunfo para os céltico.

O adestrador do Celta B, Fonsi Valverde, convocou a 16 xogadores, entre eles os xuvenís Rubén e Jonny, para o partido deste sábado ante o Atlético de Madrid BBarreiro, 16.00 horas). Son baixa por lesión Raúl Navas e Rubén Martínez, mentres que Levy non entra na lista pola convocatoria coa súa selección e Diego Simón e Jordan ( por decisión técnica).

A Liga de Fútbol Profesional confirmou hoxe os horarios das xornadas 23, 24 e 25 da Liga Adelante, nas que o Real Club Celta se mide ao Murcia, Recreativo e Elche. O equipo vigués recibirá o murciano en Balaídos o sábado 4 de febreiro ás 18.00 horas. O seguinte encontro, ante o Recreativo de Huelva, disputarase o venres 10 de febreiro ás 21.00 horas, tamén en Balaídos. Por último, o Celta enfrontarase ao Elche o domingo 19 ás 12.00 horas no Martínez Valero.

O Celta B dispón dun novo reforzo para afrontar a segunda parte da tempada. Tras a chegada do central Héctor Ladero, o filial incorporou ao medio centro malí Soumalia Konare, Sumy, de 20 anos de idade. O xogador procede do Albacete e chega cedido con opción de compra.

O presidente do Real Club Celta, Carlos Mouriño, impuxo esta tarde na sede social do club as insignias de ouro aos once abonados que cumpriron 50 anos de antigüidade nun emotivo acto ao que asistiron representantes de todos os ámbitos do club e do celtismo. O presidente agradeceu aos socios a súa fidelidade e destacou que son un valioso exemplo para os mozos.

A campaña de abonados anuais, enchida de alicientes e vantaxes e que avanza a moi bo ritmo, amplíase ata o primeiro fin de semana de febreiro, no que o Real Club Celta se medirá á Murcia en Balaídos. O club anima socios e afeccionados a que renoven e se dean de alta para apoiar un equipo que está a ofrecer un rendemento extraordinario e camiña con firmeza cara ao seu obxectivo.

O dianteiro celeste Dimitrios Papadopulos xogará cedido ata final de tempada no Levadiakos, da Primeira División grega, segundo o acordo alcanzado polas partes nas últimas horas. O ariete céltico incorporarase de xeito inmediato ao seu novo equipo.

Máis e mellores ocasións, bo xogo... e clara derrota. O Celta B caeu ante o Lugo a balón parado, con dúas cabezadas afortunadas de Garrido nos dous únicos remates a porta dos locais e un terceiro gol á contra no tramo final. O filial desperdiciou as súas oportunidades e non puido obter rendemento ao seu xogo. Excesivo castigo para o filial no Anxo Carro.

O Celta logrou o seu obxectivo. Derrotou ao Nástic sumou a súa terceira vitoria consecutiva e rematou o día segundo na táboa. Foi un triunfo traballado, laborioso, ante un rival que deu a cara e desbordou ilusión. Roberto Lago, de cabeza, anotou na segunda metade o tanto que lle deu aos celestes esta importante vitoria, de novo coa porta a cero.

A tenda oficial do Real Club Celta, situada nos baixos de Balaídos ofrece esta semana importantes descontos en diversos produtos e un aliciente especial para os afeccionados celestes, o sorteo das botas do capitán Borja Oubiña entre os compradores que, antes do venres ás 21.00 horas, adquiran produtos por valor superior a 30 euros.

A canteira do Real Club Celta segue adquirindo protagonismo nas categorías inferiores da Selección Española. O responsable do combinado nacional sub-17 convocou para adestramentos oficiais a dous célticos, o gardameta Rubén, xa asentado nesta categoría, e o medio centro Jordan, quen goza da súa primeira convocatoria.

A boa marcha do equipo e as grandes vantaxes e alicientes da campaña de abonados anuais, entre eles o apaixonante derby da segunda volta, un posible play off ou media tempada en Primeira División, está a motivar unha boa resposta da afección celeste cun bo ritmo nas renovacións para arroupar un Celta que este venres busca en Balaídos a súa terceira vitoria consecutiva.

O Real Club Celta afronta este venres ante o Nástic ( Balaídos, 21.00 horas) un partido de gran importancia para refrendar a súa gran dinámica e asentarse na zoa alta da táboa. Os célticos buscan a súa terceira victoria consecutiva, a quinta xornada sen perder. O club insta aos abonados anuais a que renoven o seu carné canto antes para poder presenciar o encontro. Os precios ente 15 e 45 euros.

Intenso partido disputado en Barreiro no regreso á competición do Celta B, que mereceu máis que La roda, pero non puido romper un empate que sí satisfixo ao seu  rival. Os celest dispuxeron dun puñado de boas ocasión que non aproveitaron e levaron un punto escaso para o seus méritos e para a súa situación na táboa.

O Celta comezou o ano como o rematou, cunha clara, contundente e moi valiosa vitoria ante un Alcoyano o que superou dende o inicio, cun gol de Mario Bermejo, ata o final. Goleada, con David y Orellana secundando o tanto inicial, o día de Reis no difícil campo de El Collao para afianzarse na zona alta da táboa clasificatoria. Os locais xogaron con inferioridade boa parte do encontro.

O adestrador do Celta, Paco Herrea, convocou a 18 xogadores, entre eles o atacante do filial Jota, para o partido deste venres ante o Alcoyano ( El Collao, 21.00horas). Non entran en lista Álex López por lesión e De Lucas por sanción, mentres que Papadopoulos e Sergio Ortega non viaxan por decisión técnica e Iago Aspas porque, a pesar de gozar da alta médca, non dispón do ritmo de competición exeitado.

O Grupo Recalvi sumase aos patrocinadores de fútbol base do Real Club Celta, segundo recolle o convenio de colaboración presentado esta mañá por José María Goicoa, director da Fundación Celta de Vigo, e Pablo Quinteiro, director de marketing de Recalvi. Esta firma " un exemplo de colaboración", segundo destacou o responsable da Fundación celeste, patrocinará durante os próximos anos ás categorías inferiores do club, dende o Xuvenil ata o Benxamín.

A ecografía realizada esta tarde polos servizos médicos do Real Club Celta o medio centro Álex López desvela a existencia dunha leve elongación no adductor dereito, sen rotura fibrilar, do futbolista, quen en calquera caso é baixa para o partido deste venres ante o Alcoyano.

O primeiro equipo e o corpo técnico celestes, acompañados por diversos responsables do club, vivieron eta maña un acto especialmente entrañable, a visita á planta de Pediatría do Hospital Xeral. Os celestes compartiron un gratificante e emotivo anaco cos pequenos, os cales recibiron aos futbolistas con alegría e ilusión e lles compensaron co seu mellor agasallo, un soriso.

Os xogadores do Real Club Celta continúan renovando os seus carnés anuais, que ademáis estanse a convertir nun dos regalos de Reis de referencia no equipo céltico, xa que o abono lle permitirá asistir o apaixonante derbi da segunda volta, un posible play off ou media tempaa en Primeira División, ademáis de incluir numerosas ofertas en empresas de varios ámbitos.

A ecografía realizada esta tarde polos servizos médicos celestes o medio centro Borja Oubiña desvela a existencia dun edema, sen rotura fibrilar, no seu adductor dereito que o convirte nunha dúbida para o partido do venres ante o Alcoyano, xa que haberá que esperar a ver como evoluciona nos próximos días.

O primeiro equipo celeste volveu esta mañá co traballo nas instalacións deportivas de A Madroa tralas vacacións do Nadal cunha longa sesión de adestramento á que non asistiron, con permiso do club, Bustos, Bellvís, e Papadopoulos. Mañá haberá dobre sesión, o sábado adestramento matutino e o domingo xornada de descanso.

As instalacións de A Madroa acolleron hoxe a tradicional xornada de convivencia cos medios de comunicación que se celebra cada Nadal. O partido, moi entretido, entre integrantes do club e da prensa acabou con cómoda  victoria celeste e posteriormente tivo lugar un viño español co habitual brindis de Nadal, nesta ocasión a cargo do vicepresidente Pedro Posada.

.

O extremo celeste Dani Abalo xogará cedido no Nástic de Tarragona ata final de tempada, segundo o acordo alcanzado polas partes nas últimas horas. O fútbolista, quen se incorpoorará de inmediato o club catalán, acudirá esta tarde ás instalacións da Madroa para despedirse dos seus compañeiros e do corpo técnico.

O Celta caiu de forma dolorosa en Cornellá nos décimosextos de final da Copa nun partido marcado pola clara superioridade celeste ata os 27 minutos de xogo, cando de Lucas viu de maneira incomprensible dúas amarelas en dous segundos. O Espanyol marcou a continuación e o partido foi, loxicamente, outro, cun Celta que sufriu na segunda metade, na que David anotou dous goles para o 4-2 final.

O Estadio de Balaídos foi o esceario do acto de entrega de premios do Concurso de Postais de Nadal 2011, convocado por El Corte Inglés de Vigo e a Fundación Celta, na que participaron numerosos alumnos de diveros centros escolares da cidade. José María Goicoa, director da Fundación Celta, e Cristina Álvarez, representante de El Corte Inglés, entregaron un total de sete premios e catro accésits.

Unha expulsión a media hora de xogo, un penalti en contra que serviu o rival para adiantarse no marcador, un lanzamento a madeira que puido ser o empate... Moitas desgrazas e adversidades para o Celta B, que caiu en Toledo por dos goles a cero e segue na zona baixada táboa

O Celta despediu o ano cunha cómoda e solvente victoria ante un Guadalaxara claramente superado polos vigueses, que realizaron unha excelente primeira metade na que anotaron Orellana e David. Novo triunfo en Balaídos para un Celta que segue crecendo e ofrecendo magníficas sensacións e que sumou o seu terceiro partido oficial sen encaixar.

O Restaurante El Canario, en Chapela, foi esceario hoxe dunha comida de Nadal á que asistiron o consello de administración do club, co presidente, Carlos Mouriño, á cabeza, o corpo técnico e o primeiro equipo celeste, entre outros

El Celta recibe este sábado o Guadalaxara (Bañaídos, 18.00horas) cunha soa intención, sumar tres puntos qe lle permitan chegar as vacacións do Nadal na zona alta da táboa. Para este encontro, ante un rival esixente e duro, os prezos non varían e oscilan entre os 15 e os 45 euros.

Os xogadores do Celta que posúen abonos anuais comezaron xa a pasar pola oficina de abonados para renovalos seus carnés. Entre os primeiros en realizar este trámite, Dani Abalo e Iago Aspas, que animan os afeccionados a que se dean de alta canto antes para poder asistir este sábado o último partido do ano ante o Guadalaxara

Bo partido do Celta ante o Espanyol na ida dos décimo sextos de final da Copa, no que por xogo e intención mereceu unha vantaxe que non puido lograr. Os celestes xogaron con velocidade, aproveitaron ben as bandas e xeraron ocasións para marcar, pero non acabaron de concretar. A eliminatoria decidirase en Cornellá.

Baixo o lema “Regala Celta”, O club lanza a súa campaña de abonos anuais cos mesmos prezos ca a realizada o pasado verán para os abonados da tempada e novas vantaxes para a masa social celeste. Os afeccionados que se den de alta antes do día 13 de este mes disporán de dous partidos gratis, O de Copa ante o Espanyol e o de Liga ante o Guadalaxara

do Real Club Celta

Datas: Do 24 ao 30 de Outubro

O adestrador do Celta, Paco Herrera, convocou a 21 xogadores para o partido de Copa de este martes ante o Espanyol (Balaídos, 21.00 horas). Non entran na lista por decisión técnica Papadopoulos e Sergio Ortega.

Tras a gran remontada en Xerez, o Celta volve a Balaídos (sábado, 18.00 horas) cun dobre reto: Obter a súa primeira vitoria en casa e ante un rival ao que nunca puido derrotar como local en Segunda División, a Sociedade Deportiva Huesca. Os celestes tratarán de repetir as prestacións da Copa e agasallar á súa afección cunha vitoria, Os prezos, entre 15 e 45 euros.

do Real Club Celta

Datas: Do 17 ao 23 de Outubro

O adestrador do Celta, Paco Herrera, convocou a 18 xogadores para o partido de este domingo ante o Xerez (Chapín, 20.00 horas). Son baixa  por lesión Bellvís e Papadopoulos. Non entran na lista por decisión técnica Andrés Túñez, Dani Abalo e Sergio Ortega.

Lista de Convocados del Real Club Celta para  la 9ª jornada de Liga

Xerez C.D. - R.C.Celta

(Chapín, 20.00 horas)

Papadopoulos
Diagnóstico	Parameniscite interna xeonllo dereito/Estudo posible lesión meniscal
Tratamento	Médico-Fisioterpia
Observacións	Dada a súa mala recuperación recomendóuselle artroscopia do xeonllo afectado. O xogador desexa ser intervido por un cirurxán en Italia que xa lle operou do outro xeonllo. Autorízase a solicitude con presenza do doutor García Cota na cirurxía.

 

Bellvís
Diagnóstico	Esguince acromioclavicular hombreiro esquerdo
Tratamento	Analxésico-antiinflamatorio
Observacións	Hoxe realizaráselle estudo radiográfico para descartar inestabilidade articular e lesión ósea.

Papadopoulos
Diagnóstico	Parameniscite interna xeonllo dereito
Tratamento	Médico-Fisioterpia
Observacións	Adestramento individual.

O adestrador  do Celta, Paco Herrera, convocou a 18 xogadores para o partido da terceira rolda de Copa do Rei ante o Valladolid (Mércores, Balaídos, 12:00 horas), entre eles os futbolistas do filial Jota e Raúl Navas. É baixa por lesión Papadopoulos , mentras que Andrés Túñez está concentrado coa Selección de Venezuela. Non entran na listaxe por decisión técnica Sergio Ortega, Jonathan Vila, Álex López, Orellana e Dani Abalo.

Plan de traballo da primeira plantilla

do Real Club Celta

Datas: Do 10 ao 16 de 0utubro

Papadopoulos
Diagnóstico	Parameniscite interna xeonllo dereito
Tratamento	Médico-Fisioterpia
Observacións	Adestramento individual.

O dianteiro do Celta B Rubén Martínez foi operado de maneira satisfactoria de fractura de morna e peroné esta tarde no Hospital A nosa Señora de Fátima polo xefe dos servizos médicos do club, Juan José García Cota. A intervención, que durou unha hora e media, consistiu na colocación dos ósos e dun parafuso de titanio de 30 centímetros na morna. O Sporting envioulle un escrito de apoio.

Papadopoulos
Diagnóstico	Fractura cuarto metacarpiano man esquerda-Parameniscitis interno xeonllo dereito
Tratamento	Inmovilización-Fisioterpia
Observacións	Manterá inmovilización só para actividade en adestramentos e partidos sen que haxa limitación para ea actividade. RMN: Non hai roturas meniscales. Reinicio de actividade practicamente normal.

Tras a severa avaría que sufriron os videomarcadores de Balaídos, o club buscou con urxencia unha solución para poder seguir  mostrando información aos seus afeccionados durante os partidos mentres non se proceda á substitución dos paneis danados. Co obxectivo de ofrecer o mellor servizo posible aos seguidores celestes, instaláronse de maneira provisional dúas grandes pantallas no Estadio.

Papadopoulos
Diagnóstico	Fractura cuarto metacarpiano man esquerda-Parameniscite interna xeonllo dereito
Tratamento	Inmovilización-Fisioterpia
Observacións	Manterá inmovilización só para actividade en adestramentos e partidos sen que haxa limitación para esa actividade. RMN: Non hai roturas meniscales. Adestramento individual.

Un Celta doído e ansioso por volver gañar recibe este domingo ao Valladolid (Balaídos, 20.00 horas) nun dos partidos máis atractivos do campionato. Os celestes porán todo o seu empeño en dedicarlle un triunfo á súa afección, cuxo apoio será fundamental neste complicado encontro. Os prezos, entre 15 e 45 euros.

 

Dani Abalo
Diagnóstico	sacroileitis
Tratamento	Antiinflamatorios-fisioterapia
Observacións	Adestramento co grupo